КОВИД-19-ИЙН ЭРГЭН ТОЙРОНД: ТАНДАЛТ, СУДАЛГААНЫ ТОЙМ – 27 (МОНГОЛ УЛС)

2020-07-03

  1. ХӨСҮТ-ийн Эрчимт эмчилгээний тасгийн эрхлэгч Ц.Чинбаяр нарын эмч мэргэжилтэн, эрдэмтэн докторууд Ковид-19-тэй 38 өвчтнийг судлахад дундаж нас 30.3, суулгах, ханиалгах, толгой өвдөх, амт, үнэр мэдрэхгүй болох, хоолой сэрвэгнэх, ядрах, хоолонд дургүй болох шинж тэмдэг зонхилон илэрсэн байна. PCR-ийн шинжилгээгээр амьсгалын дээд замын сорьцонд 97.4%, өтгөнд 2.6%-д коронавирус илэрчээ. Рентген, компьютер томографийн шинжилгээгээр 38  өвчтний 14-т нь уушгины хатгалгаа илэрчээ.
  2. ХӨСҮТ-ийн Вируслогийн лабораторийн эмч, судлаачид Ковид-19-ийн эхний 10 тохиолдолд вирусийн ачаалал, вирус илрэлтийн хугацааг судалжээ. Өвчтний хамар,  залгиурын арчдаст вирус хадгалагдах дундаж хугацаа 18.9 хоног, хөөмийн арчдаст 25.1 хоног байсан бол вирусийн ачаалал 1-6 хүртэлх хоногт хамгийн их байжээ. Бүх өвчтний цэрэнд вирус илэрсэн бөгөөд 31 дэх хоногтоо илрэхгүй болсон. Өтгөнд вирус 16.7 хоног хадгалагдаж, вирусийн ачаалал 7-12 дахь хоногт их байжээ. Коронавирус хүний биед дунджаар 29.2 хоног хадгалагдаж байна. Харин өвчтний цусны ийлдэс, шээсэнд вирус илрээгүй байна.
  3. Анагаах ухааны хүрээлэнгийн Мэдрэл судлалын эрдэмтэд коронавирус мэдрэлийн системд нөлөөлж буйг тоймлон судлахад :  Төв мэдрэлийн тогтолцооны өөрчлөлт /толгой өвдөх, эргэх/ - 24.8%, Захын мэдрэлийн тогтолцооны өөрчлөлт /амтлах, үнэрлэх мэдрэхүй өөрчлөгдөх/ - 8.9%, Миопати /булчингийн эмгэг/ - 10.7% байжээ.
  4. Агаар дахь азотын давхар ислийн хэмжээ маш өндөр байсан европын 4 улсын 66 бүсэд Ковид-19-ийн нас баралтын 83% бүртгэгдсэнийг олон улсын тойм судалгаанд үндэслэн АШУҮИС-ийн Нийгмийн эрүүл мэндийн сургуулийн судлаачид мэдээлжээ.
  5. Ковид-19 цартахлаас урьдчилан сэргийлэх, хянах чиглэлээр олон улсад хийгдсэн 24 судалгааны бүтээлд АШУҮИС-ийн Нийгмийн эрүүл мэндийн сургуулийн  Д.Хишигтогтох нар системт тойм судалгаа хийжээ. Коронавирусийн халдвараас сэргийлэх арга хэмжээг цаг үеийн байдалтай уялдуулан нотолгоонд суурилан төлөвлөх, дэлхийн улс орнуудын туршлагыг судлах, өөрийн орны онцлогт тохируулан хэрэгжүүлэх шаардлагатай гэжээ.
  6. АУ-ны доктор Ж.Цолмонгийн “Ковид-19-ийн цартахал, хэрэгжүүлж буй арга хэмжээ, үр нөлөө” өгүүлэлд ...Монгол улс дотооддоо халдвар гараагүй цөөн орны нэг болж байгаа нь хариу арга хэмжээний оновчтой, шуурхай байдал, иргэдийн оролцоо дэмжлэгтэй холбоотой гэжээ.

Эх сурвалж:

  1. Ц.Чинбаяр, Монгол улсад бүртгэгдсэн “Ковид-19 халдварын батлагдсан тохиолдол” оношоор хэвтэн эмчлүүлэгчдийн эмнэлзүй, лабораторийн шинжилгээний дүн, Нийгмийн эрүүл мэндийн сургууль сэтгүүл, Хуудас.241
  2. Ц.Наранзул, Ковид-19 халдвартай хүмүүст вирусийн ачаалал, вирус тээх хугацааг тодорхойлсон дүн, Эрүүл мэндийн шинжлэх ухаан сэтгүүл 2020 vol 16, №4(54), Хуудас.120-123
  3. Б.Чимэглхам, Шинэ титэмт вирусээр (SARS-COV-2) үүсгэгдсэн Ковид-19 өвчний үеийн мэдрэлийн шинж тэмдэг, Эрүүл мэндийн шинжлэх ухаан сэтгүүл 2020 vol 16, №4(54), Хуудас.335-340
  4. Г.Мандухай, Шинэ коронавирусийн (Ковид-19) тархалтад агаар бохирдуулагчдын үзүүлэх нөлөөлөл, Нийгмийн эрүүл мэндийн сургууль сэтгүүл, Хуудас.203
  5. Д.Хишигтогтох, Ковид-19 халдварын урьдчилан сэргийлэлтийн талаарх судалгааны тойм, Нийгмийн эрүүл мэндийн эрин сэтгүүл, Хуудас.227-233
  6. Ж.Цолмон, Коронавируст халдвар (Ковид-19)-ын цар тахал: Хэрэгжүүлж буй арга хэмжээ ба үр нөлөө, Монголын анагаахын шинжлэх ухааны эрдмийн чуулган-62 сэтгүүл, Хуудас.11



КОРОНАВИРУСТ ХАЛДВАР (COVID-19)-ЫН ЭРГЭН ТОЙРОНД: ТАНДАЛТ, СУДАЛГААНЫ ТОЙМ - 8

2020-04-29

1. Харвард болон Массачусетсийн технологийн их сургуулийн судлаачид коронавирус хамрын хөндийн шүүрлийн эс, уушгины эс, гэдэсний шимэгдүүлэгч эсүүд илүү гэмтээдэг болохыг тогтоожээ. Энэхүү судалгаа нь коронавирусийн эсрэг үр дүнтэй эмийн бэлдмэл гар…

КОРОНАВИРУСТ ХАЛДВАР (COVID-19)-ЫН ЭРГЭН ТОЙРОНД: ТАНДАЛТ, СУДАЛГААНЫ ТОЙМ – 7

2020-04-27

КОРОНАВИРУСТ ХАЛДВАР (COVID-19)-ЫН ЭРГЭН ТОЙРОНД:

ТАНДАЛТ, СУДАЛГААНЫ ТОЙМ – 7

1.Лондонгийн Эрүүл ахуй, халуун орны өвчин судлалын анагаахын сургуулийн судлаачид олон улсын томоохон мэдээллийн сан дахь нотлох баримтуудыг нэгтгэн, дүн шинжилгээ хийсн…

(COVID-19)-ЫН ЭРГЭН ТОЙРОНД: ТАНДАЛТ, СУДАЛГААНЫ ТОЙМ – 6

2020-04-27

КОРОНАВИРУСТ ХАЛДВАР (COVID-19)-ЫН ЭРГЭН ТОЙРОНД:

ТАНДАЛТ, СУДАЛГААНЫ ТОЙМ– 6

1. ДЭМБ эсрэг бие илрүүлэх түргэвчилсэн оношлуурыг тандалт судалгаанд хэрэглэхийг зөвлөж байна.

2. Лансет сэтгүүлд хэвлэгдсэн Гонконгийн Их Сургуулийн эрдэмтдийн судалгаан…

(COVID-19)-ЫН ЭРГЭН ТОЙРОНД: ТАНДАЛТ, СУДАЛГААНЫ ТОЙМ – 5

2020-04-25

1. Япон улсад коронавируст халдварын тархалт зуны эхэн сар гэхэд оргил үедээ хүрнэ гэж тус улсын Кобэ их сургуулийн судлаачид үзэж байна.

2. Коронавируст халдварын тархалт байнга гарах бөгөөд цаашдаа улирлын шинж чанартай болж, өвөл, хавар, намар ил…

(COVID-19) ЭРГЭН ТОЙРОНД: ТАНДАЛТ, СУДАЛГААНЫ ТОЙМ - 4

2020-04-09

1.    БНХАУ-ын Нанжинг их сургуулийн судлаачид хүний тархи, нугасны шингэнд коронавирус байгааг илрүүлж, мэдрэлийн системд нөлөөлдөг болохыг тогтоожээ. Тиймээс коронавирусийн халдвартай өвчтнүүдэд толгой өвдөх, ухаан алдах зэрэг …

(COVID-19) 3-р сарын тандалт, судалгааны тойм-3

2020-04-06
  • АНУ-ын Өвчний хяналт, сэргийлэлтийн төвийн судалгаагаар Коронавируст халдварын эрсдэл ахмад эмч, сувилагч, эмнэлгийн мэргэжилтнүүдийн дунд өндөр байгаа учраас тэднийг хөнгөн ажил үйлчилгээнд шилжүүлэн ажиллуулах шаардлагатай гэж үзсэн байна.

  • БН…

(COVID-19) эргэн тойронд: 3-р сарын тандалт, судалгааны тойм 2:

2020-04-06
  • БНХАУ-ын эрдэмтдийн судалгаагаар COVID-19-өөр өвчилсөн эрэгтэй хүний үрийн шингэнд коронавирус илэрсэн байна. Тиймээс коронавирус бэлгийн замаар халдварладаг байж болзошгүй гэх дүгнэлтийг эрдэмтэд хийсэн байна.

  • Австралийн Мелбурн хотын Мурдочий…

(COVID-19) 3-р сарын тандалт, судалгааны тойм-1

2020-04-04

Коронавируст халдварын талаар эрдэмтэн судлаачдын 3-р сарын судалгааны дүнг тоймлон хүргэвэл:


Нэг. Коронавируст халдварын нууц хугацаа:

АНУ-ын Массачусетсийн их сургуулийн эрдэмтдийн судалгаанд хамрагдсан хүмүүсийн 97.5%-д нь халдвар авснаас хойш 1…